今日下午一時, 於九龍灣會議展覽中心門外, 發生一宗誤殺手機慘劇,

案中受害人亦即係兇手為有"破壞王"之稱的容祖B.

事發當時容女正打算到九展為美加巡迴作BAND REHEARSAL,

到達目的地後, 剛傾完電話的她正手忙腳亂的琴琴青落車,而忘記了電話正放在她本人的大腿上.

而當第一隻腳叉落地下之後, 死者亦做戲都冇咁橋咁隨佢隻大脾"跣"落一個有2米深嘅臭坑渠裡.

大家注意:真係好DIRTY, 裡面D水係黑MUNG MUNG GA~~~~~

不能相信眼前一切嘅容女, MARK 大個口慾哭無淚咁望住個坑渠長達15秒,

其實可能大家不以為然, 覺得可能即刻買過部新咪得囉,冇錯, 呢部就係一部全新, 用左只係兩個禮拜嘅新歡.

因為在場正舉辦一個狗展,所以有很多人目擊整件事的過程.

而有兩名好心男士, 竟然願奮意不顧身, 為容蠢蛋冒住中毒嘅危險幫佢執番

經過十五分鐘之後, 死者嘅屍首終於搵番, 而當然已經係返魂乏術.

但最神奇的一點, 張sim card同張memory card竟然係冇事......

整件事非常怪異!

在此, 再一次感激獅子座ah 健同只不過相識兩日嘅ah 德佢地捨己為祖嘅行為,

認真感動流涕

聽日送番支滴露比你沖涼呀.

是日報導完畢.

睇完嘅朋友, 請為我深愛的電話默哀一分鐘.

案發現場, CRYING~~~~又要再買過.....

(P.S係呀, 我又染左頭髮啦,演場會呀嘛, 紅D好睇.

BY THE WAY,其實我幾滿意呢個新髮型, 有D新鮮感,爽D囉.

我知有D歌迷仔會鍾意長頭髮嘅我多D,話"靚"D喎....其實我幾時有靚過呀, 你地認錯人啦.

 嘻嘻,不如大家都攪D新意, 一齊剪短佢呀, 反正, 頭髮之嘛, 話咁快就長啦.

不過剪得唔好唔好話我呀!)